Pýtın 13 naýryz kúni Tramptyń arnaıy ókili Ýıtkoffty qabyldady
ASTANA.KAZINFORM - Reseı prezıdenti Vladımır Pýtın keshe keshke AQSh prezıdentiniń arnaıy ókili Stıven Ýıtkoffty qabyldap, ol arqyly AQSh basshysy Donald Trampqa aqparat jetkizdi, dep habarlaıdy TASS.
Bul týraly Reseı prezıdentiniń baspasóz hatshysy Dmıtrıı Peskov habarlady.
– Keshe keshkisin prezıdent Pýtın Ýıtkoffty qabyldady jáne reseılik tarapqa qosymsha aqparat berildi. Ýıtkoff arqyly Pýtın prezıdent Trampqa aqparat pen qosymsha sıgnal berdi, - dedi Peskov.
Onyń aıtýynsha, Reseı men AQSh prezıdentteri Vladımır Pýtın men Donald Tramptyń sóılesý ýaqyty áli anyqtalǵan joq.
– Eki prezıdent kezdesýiniń naqty ýaqyty áli kelisilgen joq. Biraq Ýıtkoff myrza Máskeýden alǵan barlyq aqparatty óz basshysyna jetkizgennen keıin biz kezdesý ýaqytyn anyqtaımyz, - dedi Kreml ókili.
Eki tarapta da kezdesý qajettigi týraly túsinistik bar, dep qosty ol.
Pýtınniń Ýıtkoffpen dıalogy keshe keshke Kıev rejımi 30 kúndik atysty toqtatý týraly kelisimge kelgen Djıddadaǵy AQSh-Ýkraına kelissózderinen keıin ótti.
Tramptyń Ýkraına men Reseı jónindegi arnaıy ókili beıbit kelissózderden shettetilgenin jazǵan bolatynbyz.