Pýlıttser syılyǵynyń bıylǵy laýreattary kimder
ASTANA. QazAqparat - Nıý-Iorktiń Kolýmbııa ýnıversıtetinde jýrnalıstıkadaǵy, ádebıettegi, mýzyka men teatrdaǵy jetistikter úshin beriletin Pýlıttser syılyǵynyń laýreattary jarııa etildi, dep habarlady «Kommersant».
Atap aıtqanda, halyqaralyq jýrnalıstıka salasynda bul syılyqty Reseı prezıdenti Vladımır Pýtın týraly jarııalanym úshin The New York Times gazeti jeńip aldy. Ulttyq taqyryptardy ashqany úshin Pýlıttser syılyǵy The Washington Post jýrnalısi Devıd Farentoldke berildi. Óz materıalynda Farentold AQSh prezıdenti Donald Tramptyń qaıyrymdylyq uıymdaryna járdemdesken jomarttyǵyna shúbá keltiredi.
Kórkem syn úshin atalǵan syılyqty teatr qoıylymdary jóninde birneshe materıal jazǵan The New Yorker jýrnalısi Hılton Els aldy. Qoǵamǵa qyzmet etkeni úshin nomınatsııasy boıynsha júldeni New York Daily News jáne ProPublica basylymdary bólip aldy. Olar polıtsııa qyzmetkerleriniń óz ókilettikterin asyra paıdalanǵanyn jarııalaǵan edi.
Kórnekti jýrnalıstik zertteý úshin Pýlıttser syılyǵy Charleston Gazette-Mail qyzmetkeri Erıka Eırge tabystaldy. Onyń materıaldary AQSh boıynsha nashaqorlyq mendep turǵan Batys Vırdjınııaǵa esirtki zattaryn tasymaldaýǵa arnalǵan.
Pýlıttser syılyǵy - jýrnalıstıka men ádebıet salasyndaǵy bedeldi syılyqtardyń biri. Syılyq 21 nomınatsııa boıynsha beriledi.
