Pýerto-Rıkodaǵy «Marııa» daýyly úsh myńǵa jýyq adamnyń ómirin qıǵan
NЬıÝ-IORK. QazAqparat - Pýerto-Rıko bıligi ótken jyldyń qyrkúıeginde bolǵan alapat «Marııa» daýyly saldarynan qaza tapqandardyń sany 2 975 adam bolǵanyn resmı túrde jarııalady, dep habarlaıdy TASS agenttigi.
Pýerto-Rıko bıliginiń tapsyrysymen Djordj Vashıngton ýnıversıtetiniń qyzmetkerleri tabıǵı apat qurbandarynyń sanyn anyqtaý úshin zertteý júrgizdi. Onyń qorytyndylary boıynsha ázirlengen baıandamaǵa súıenek, Pýerto-Rıko gýbernatory Rıkardo Rossello 2 975 adam apat kezinde qurban bolǵanyn málimdedi.
Byltyr jeltoqsandaǵy resmı málimdemesinde el bıligi qurbandar sany 64 dep kórsetken bolatyn.
Eske sala keteıik, «Marııa» daýyly 2017 jyldyń 20 qyrkúıeginde Pýerto-Rıkoǵa tónip, tynymsyz jaýǵan nóser saldarynan sý tasqyny bolǵan. Apat saldarynan elde azyq-túlik, aýyzsý, janarmaı jetispeýshiligi baıqalǵan. Moody's Analytics analıtıka agenttiginiń esepteýlerine qaraǵanda, memleketke keltirilgen zalal 95 mlrd AQSh dollaryna jetýi múmkin.
