Pýerto-Rıko arýy musylmandardy ǵaıbattaǵany úshin ataǵynan aıyryldy
ASTANA. QazAqparat - Pýerto-Rıko memleketiniń arýy Destını Velez musylmandar jaıly aıtqan negizsiz pikiri úshin ataǵynan aıyrylyp qaldy. Ol belgili amerıkandyq kınorejısser Maıkl Mýrdyń Tvıtter paraqshasyndaǵy jazbaǵa qatysty bildirgen pikiri úshin osylaı jazalanyp otyr, dep habarlaıdy muslim.kz.
Belgili kınorejısser Maıkl Mýr óziniń Tvıtter paraqshasynda atyshýly ıslamofbo Donald Tramptyń ǵımaratynyń qasynda túsken sýretin qoıyp, astyna «Biz bárimiz - musylmanbyz» dep jazǵan bolatyn.
Nege ekeni belgisiz, bul sýret Velezdiń qytyǵyna tıse kerek. Sýret astyna ol «musylmandar Amerıka konstıtýtsııasyn AQSh-ta terrorlyq áreketter jasaýǵa paıdalanyp otyr» degen pikir qaldyrǵan.
Al, «Pýerto-Rıko arýy» saıysyn uıymdastyrýshylar Destını Velezdiń bul qylyǵyna kóz jumyp qaraı almaǵan kórinedi. Olar birden Velezdi ataǵynan aıyryp, bundaı málimdemelerdiń uıym kózqarasyna qaıshy ekenin aıtyp otyr.
