Pýerto-Rıko araly mańynda qaıyq apatqa ushyrap, 10 adam iz-túzsiz joǵaldy
GAVANA. QazAqparat - AQSh-qa qarasty Pýerto-Rıko aralynyń soltústik-batys jaǵalaýynda birneshe adam mingen qaıyq apatqa ushyrap, keminde on adam iz-túzsiz joǵalyp ketti. Bul týraly QazAqparat AP agenttigine silteme jasap habarlaıdy.
Aldyn ala málimet boıynsha, apatqa qaıyqtyń jartastarǵa qatty soǵylýy sebep bolǵan. Bortta Domınıkan Respýblıkasynan barlyǵy 27 mıgrant bolýy múmkin ekeni atap ótildi. Olardyń kem degende 17-si qutqarylyp, polıtsııaǵa tapsyryldy. Jaǵalaý kúzeti iz-túzsiz joǵalǵandardy izdep jatyr.
