Pýerto-Rıko 370 mln dollar kólemindegi qaryzyn tóleı almady - aral gýbernatory
ASTANA. QazAqparat - AQSh-qa erkin túrde qosylý statýsyna ıe Pýerto-Rıko bıligi 2 mamyrǵa josparlanǵan 370 mln. dollar qaryzyn tóleı almaıdy. Bul týraly jeksenbi kúni aral gýbernatory Alehandro Garsııa Padılıa málimdedi, dep jazady TASS.
Másele, Pýerto-Rıko bankiniń 422 mln. dollar kólemindegi qaryzy týraly bolyp otyr. Bul somanyń ishinde 22 mıllıon dollar - paıyzdar, aral bıligi olardy tóleýge nıetti, taǵy 30 mln. dollar kólemindegi boryshtyń qurylymyn qaıta qaraý týraly kelisýshilikke qol jetkizilgen, alaıda qalǵan 370 mıllıondy, Garsııa Padılıanyń aıtýynsha, izdep tabý múmkin emes.
Gýbernator atalǵan tólemder toqtatylatynyn atady. «Associated Press» agenttiginiń atap ótýinshe, budan keıin Pýerto-Rıkoǵa qarsy sot daýlary týyndaýy múmkin. Memlekettik qaryzdyń jalpy kólemi shamamen 70 mlrd. dollardy qurap otyr. Sońǵy aılarda bılik qaryz qurylymyn qaıta qaraý josparyn jasaýǵa árekettendi, alaıda bul jumys ázirge tabyssyz bolyp otyr.
