PTR testti tapsyrý baǵasy ártúrli - Sádýaqas Baıǵabylov
NUR-SULTAN. QazAqparat – Elorda men Almatyǵa ushatyn jolaýshylar PTR testti memlekettik jáne jeke menshik zerthanalarda tapsyrýlaryna bolady. Bul týraly Ortalyq kommýnıkatsııalar qyzmetinde ótken brıfıngte aıtyldy, dep habarlaıdy QazAqparat tilshisi.
«Nur-Sultan, Almaty qalalaryna ushý úshin PTR test tapsyrý kerek. Bul test bir-aq ret tapsyrylady. Koronavırýspen aýyrmaıtynyn rastaıtyn anyqtama jeti kúnge deıin jaramdy. Barǵan qalasynda jeti kúnnen artyq bógelmegen jolaýshy úshin osy anyqtama qaıtyp kelýge de jaramdy bolady. PTR testti memlekettik jáne jeke menshik zerthanalarda tapsyrýǵa bolady. Jeke menshik zerthanada PTR test baǵasy 19 -20 myń teńge aralyǵynda bolsa, memlekettik zerthanada 11500 teńge turady. Ondaı zerthanalar árbir oblys, aýdan ortalyqtarynda bar», - deıdi Kóliktegi taýarlar men qyzmetterdiń sapasy men qaýipsizdigin baqylaý departamentiniń basshysy Sádýaqas Baıǵabylov.
Kóliktegi taýarlar men qyzmetterdiń sapasy men qaýipsizdigin baqylaý departamentiniń sanıtarlyq-karantındik pýnktteriniń basshysy Darııa Ázimbaevanyń aıtýynsha, Nur-Sultan nemese Almatyǵa ushardan eki táýlik buryn COVID-9 bar-joǵyn anyqtaıtyn test tapsyrý kerek.
«Jeti kún ishinde baryp-kelip úlgeretin bolsa, atalǵan anyqtama eki jaqqa da jaramdy bolady», - deıdi ol.
