PTR testileý sany táýligine 48 myńǵa jetkizildi - DSM
NUR-SULTAN. QazAqparat – Elimizde koronavırýs ınfektsııasyn anyqtaýǵa arnalǵan PTR testileý táýligine 48 myńǵa jetkizildi. Bul týraly QR Densaýlyq saqtaý vıtse-mınıstri Marat Shoranov aıtty, dep habarlaıdy QazAqparat tilshisi.
«Epıdemıologııalyq ahýalǵa baılanysty sáýirde testileýdiń táýliktiń sany 48 myńǵa jetkizildi. Bul elimizdegi barlyq táýliktik qýattyń 41 paıyzyn quraıdy. Barlyq óńirde krıterıılerge sáıkes, shekteý is-sharalary qoldanylýda», - dedi Marat Shoranov Ortalyq kommýnıkatsııalar qyzmetindegi brıfıng barysynda.
Vıtse-mınıstrdiń dereginshe, qazirgi ýaqytta elimizde koronavırýsqa shaldyqqandyrdy emdeý úshin 31 219 tósek-oryn daıyndalǵan. Olardyń 40 paıyzynda naýqastar em alýda. Al ınfektsııalyq statsıonarlardy shamamen 2 800 reanımatsııalyq tósek-oryn ázirlengen. Shamamen 26 paıyzynda naýqastar jatyr.
