PTR-testi jappaı tapsyrýdyń keregi joq - maman pikiri
NUR-SULTAN. QazAqparat - PTR-testi jappaı tapsyrýdyń qajeti joq. Bul suraqqa «Ulttyq ǵylymı kardıohırýrgııa ortalyǵy» AQ basqarmasy tóraǵasynyń birinshi orynbasary Mahabbat Bekbosynova jaýap berdi, dep habarlaıdy QazAqparat tilshisi.
«Patsıentte sozylmaly aýrýlar, kúretamyr joǵary qan qysymy, qant dıabeti bolsa, onda olar erekshe baqylaýda bolýy tıis. Eń aldymen ózin-ózi baqylaýy kerek. Ekinshiden, ambýlatorlyq mekeme tarapynan qadaǵalaý bolýy tıis. Іndet Qazaqstanǵa qaraǵanda erte kelgen Eýropadaǵy, Qytaıdaǵy ótkenge sholý saraptamalaryna qaraǵanda, aýyr COVID-19 ókpe qabynýy bar adamdardyń shamamen 40 paıyzy qant dıabetine shaldyqqan», - dedi Mahabbat Bekbosynova.
Onyń aıtýynsha, PTR-dıagnostıka úshin test tapsyrýǵa naqty aýrý belgisi bolýy tıis. Óıtkeni, álemdik statıstıkaǵa qaraǵanda, koronavırýs ınfektsııasy bar adamdardyń 30 paıyzynda PTR-testi vırýs joq dep kórsetedi.
«Endeshe, barlyǵy jappaı PTR-testi tapsyrý qajet pe ekendigin oılaný qajet. Menińshe, eń aldymen klınıkaǵa súıengen jón. PTR-testi vırýsty anyqtamaǵanymen patsıentte koronavırýsqa tán belgiler bolǵan jaǵdaıda úıde qalyp, densaýlyǵyn qadaǵalaýy, dene qyzýyn ólshep otyrýy kerek. Sonymen qatar tirkelgen ambýlatorlyq mekemege habarlasap, baqylaýǵa alynǵan jón»,- dedi ol.
