PTR test tegin bolýy múmkin be

NUR-SULTAN. QazAqparat – Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova PTR testi tegin etý múmkindigi týraly túsinikteme berdi, dep habarlaıdy QazAqparat.

«Vaktsınalaýdan bas tartqan kvazımemlekettik kompanııalardyń qyzmetkerlerin PTR testi apta saıyn óz esebinen tapsyrýǵa májbúrlep jatyr. Nelikten vaktsınatsııa memleket esebinen júrgiziledi, al turǵyndar PTR testileýdi azamattardyń ózderi tóleýi kerek? PTR testini tegin engizý josparlanyp otyr ma», - dep surady BAQ ókilderi.

«Juqpaly aýrýlarmen kúreste birde-bir tásil vaktsınatsııa sııaqty nátıje bermeıtiniń vaktsınatsııa tájirıbesi kórsetken. Bul bizdiń negizgi qarýymyz jáne aýrý juqtyrý, aýrýhanaǵa túsý jáne ólim qaýpin boldyrmaýǵa baǵyttalǵan. Konstıtýtsııa aıasynda vaktsınatsııa aqysyz medıtsınalyq kómektiń kepildendirilgen kólemine kiredi kiredi», - dedi Aıjan Esmaǵambetova.

Onyń aıtýynsha, Bas memlekettik sanıtarlyq dárigerdiń qaýlysymen PTR testileý tegin ótkiziletin adamdardyń 12 sanat bekitilgen.

«Bul klınıkalyq belgisi bar, naýqaspen baılanysta bolǵandar, júkti adamdar. Basqa tulǵalarǵa tegin PTR test qarastyrylmaǵan. Vaktsınatsııa tegin, PTR test memleket bıýdjetinen qarjylandyrylmasa da, qazaqstandyqtar vaktsınatsııa men PTR testiiniń bireýin tańdaýǵa quqyǵy bar», - dedi komıtet basshysy.