PTR test tapsyrý tártibi qaýipsizdik úshin jasalýda - mamandar
NUR-SULTAN. QazAqparat – Mamandardyń aıtýynsha, koronavırýs ushaq sııaqty jabyq nysanda jyldam taralady. Sondyqtan ondaı jerlerde qaýipsizdikti barynsha kúsheıtý qajet, dep habarlaıdy QazAqparat tilshisi.
«Ázirge karantın bitken joq. Jolaýshylardyń qaýipsizdigi mańyzdy. Vırýs tez taralatyndyqtan, ushaq sııaqty jabyq nysan, adamdar kóp jınalatyn jerde qaýipsizdik sharalaryn qamtamasyz etýimiz kerek. Ushar aldynda test tapsyrý bas sanıtarlyq dárigerdiń talaby. Ol qaýipsizdik úshin jasalýda. Olar vırýsty qalaı toqtatyp, qalaı retteý kerek ekenin biledi. Áleýmettik jelilerde bul talapty qolǵa alý týraly bastamany biz kótergenimiz týraly jazyp jatyr. Shyn máninde bizdiń bul testti dárigerler men naýqastar úshin qoldanbaq bolǵanbyz», - deıdi «Olımp» klınıkalyq-dıagnostıkalyq zerthanalar jelisiniń bas dırektory Erlan Súleımenov.
Ol ushý aldynda test tapsyrý úshin «Olımp» emes, basqa zerthanalarǵa barýǵa bolatynyn aıtty.
«Bizdiń basqa da áriptesterimiz ushý aldynda test tapsyrýǵa qatysty qyzmet kórsetedi. Bizge emes, solarǵa baryp test tapsyrýǵa bolady. Covid-19-dy anyqtaý maqsatynda tegin test tapsyrý úshin emhana, memlekettik uıymdarǵa baratyndar bar. Olar protokol boıynsha jumys isteıdi, sondyqtan QR Densaýlyq saqtaý mınıstrligi bul qyzmet túri tek aqyly túrde bolatynyn málimdedi», - deıdi ol.
