PTR test 8 900 teńgege deıin arzandaýy tıis - Alekseı Tsoı

NUR-SULTAN. QazAqparat – Densaýlyq saqtaý mınıstri Alekseı Tsoı PTR test arzandaǵannan keıin qandaı somada bolatynyn aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda PTR test qunyn 22 paıyzǵa arzandatý turǵysynda onyń naqty somasy qansha bolatyndyǵy jaıynda suraldy.

«Qazirgi kezde boljamdy túrde 11 myń teńgeden 8 900-ge deıin tómendeýi tıis. Bul baǵytta tıisti esep-qısap júrgizilýde. Qajetti qadamdardy saladaǵy qaýymdastyqtarmen, «Atameken» UKP-pen pysyqtap jatyrmyz», - dedi Alekseı Tsoı.

Budan buryn habarlanǵandaı, Qazaqstanda PTR testileý aqysy 22 paıyzǵa arzandaıdy.