PTR anyqtamasy joq 32 sheteldik deportatsııalandy
ALMATY. QazAqparat – Almatyda PTR anyqtamasy joq 32 sheteldik deportatsııalandy, dep habarlaıdy QazAqparat tilshisi.
Koronavırýs ınfektsııasynyń taralýynyń aldyn alý maqsatynda megapolıstiń halyqaralyq áýejaıynda sanıtarlyq-epıdemıologııalyq baqylaý kúsheıtildi.
Almatyda koronavırýstyń taralýyn boldyrmaý jónindegi shtabtyń deregi boıynsha 2020 jyldyń 6 qazanynan 2021 jyldyń 30 maýsymyna deıin qalanyń halyqaralyq áýejaıyna bortynda 424 799 jolaýshy bar 2935 reıs kelgen. Onyń ishinde COVID-19 teris nátıjesi bar anyqtamamen - 395 431, vaktsınalaný pasporttarymen - 3836, anyqtamasyz 25 532 adam boldy.
25500 adam karantındik statsıonarǵa jatqyzyldy. Túrkııadan (37), BAÁ-den (35), Egıpetten (33), Belarýstan (5), Ýkraınadan (7), Maldıvterden (4), Ońtústik Koreıadan (2), Malıden (1), Reseıden (1).
PTR anyqtamasy joq 32 sheteldik azamat Almaty áýejaıynan elderine qaıtaryldy.
Eske salsaq, megapolıstegi sanıtarlyq-epıdemıologııalyq ahýal mýtatsııalanǵan «delta» shtammynyń anyqtalýymen kúrdelene túsýde.
1 shildedegi jaǵdaı boıynsha Almaty qalasynda koronavırýs ınfektsııasynyń 74 306 jaǵdaıy tirkeldi, onyń 57 841-i sımptomdy, 16 465-y sımptomsyz, 1 993 jaǵdaıy anyqtalmaǵan pnevmonııa.
30 maýsymda koronavırýs ınfektsııasynyń 305 jaǵdaıy tirkeldi, onyń 282-si sımptomdy, 23-i sımptomsyz. Táýliktik ósim - 0,4%. Reprodýktıvti sany - 1,287.
29 maýsymdaǵy jaǵdaı boıynsha zerttelgen synamalardaǵy úndi shtammynyń úles salmaǵy 78,3%.
Sondyqtan Almatydaǵy koronavırýstyń taralýyn boldyrmaý jónindegi shtab qala turǵyndary men qonaqtaryn maska rejımi men áleýmettik araqashyqtyqty qatań saqtaýǵa, adamdar kóp shoǵyrlanatyn oryndardan aýlaq bolýǵa shaqyrady.
Sonymen qatar, árkim ózi men jaqyndarynyń densaýlyǵyn saqtaý úshin vaktsına alǵandary jón.
