PTR anyqtamasy joq 3 sheteldik deportatsııalandy
NUR-SULTAN. QazAqparat - QR Kóliktegi bas memlekettik sanıtar dáriger Sadýaqas Baıǵabylov halyqaralyq áýe reıstermen kelgen sheteldikterdiń deportatsııalaný sebebin jáne eki kúnge karantınge jatqyzylǵan qazaqstandyqtar týraly aıtty, dep habarlaıdy QazAqparat tilshisi.
Sadýaqas Baıǵabulovtyń dereginshe, 19 qazan kúni túnde 10 halyqaralyq áýereıspen 1 136 jolaýshy kelgen. Onyń 938-i anyqtamasy bolsa, anyqtamasyz kelgen Qazaqstan azamattarynyń sany - 198.
Bul rette Nur-Sultan qalasyna 6 reıspen kelgen 565 jolaýshynyń 424-inde anyqtama bolsa, 141-inde anyqtama bolmady. Almatyǵa 3 reıspen 494 jolaýshy keldi. Onyń 446-sy anyqtamamen, 48-i anyqtamasyz jetken. Al Aqtaýǵa 1 reıspen ushyp kelgen 77 jolaýshynyń 68-i anyqtamamen, 9-y anyqtamasyz kelgen.
«Anyqtamasyz ushyp kelgen Qazaqstan azamattary PTR saraptama tapsyrý úshin Nur-Sultan, Almaty jáne Aqtaý qalalarynda karantındik statsıonarǵa jatqyzyldy. COVID-19-ǵa arnalǵan jedel testi tapsyrǵany týraly anyqtamasy joq 3 sheteldik - Reseı, Ózbekstan, Armenııa azamattary deportatsııalandy», - dedi ol.
