PTR anyqtamasy joq 277 shetel turǵynyna Atyraý oblysyna kirýge tyıym salyndy
ATYRAÝ. QazAqparat – Karantın shekteýleri engizilgen sátten bastap Atyraý oblysyna 25 759 adam kirdi. PTR anyqtamasy joq 277 sheteldikke oblys aýmaǵyna kirýge shekteý qoıyldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram-kanalyna silteme jasap.
Atyraý oblysynyń «Atyraý – Astrahan RF» memlekettik shekarasynda «Qurmanǵazy» ótkizý beketi arqyly kelgen adamdarǵa kúndelikti monıtorıng júrgiziledi.
Aǵymdaǵy jyldyń 4 naýryzynda «Qurmanǵazy» ótkizý beketi arqyly shekaradan 143 adam ótti. Olardyń qatarynda 14 jolaýshy men 129 halyqaralyq tasymaldaýshy júrgizýshiler bar.
Shekteýler engizilgen sátten bastap (2020 jyldyń 6 qazany) Atyraý oblysyna 25 759 adam kelgen. Olardyń qatarynda 3 707 jaıaý júrginshi jáne 22 052 júrgizýshi bar. PTR anyqtamasy joq 277 sheteldikke oblys aýmaǵyna kirýge tyıym salynǵan. PTR-saraptamasy tásili arqyly 2 741 Qzaqstan azamaty COVID-19-ǵa tekseristen ótti, COVID-19-dyń 9 tasymaldanǵan oqıǵasy anyqtalǵan (6 júrgizýshi, 3 jolaýshy).
Eske sala keteıik, búgin Atyraý oblysynyń bas memlekettik sanıtarlyq dárigeriniń óńirdegi karantın shekteý sharalary jáne olardy kezeń-kezeńmen jumsartý týraly jańa qaýlysy jarııalandy.
