PTR anyqtamasy joq 259 qazaqstandyq shetelden ushyp keldi

NUR-SULTAN. QazAqparat –Keshe Qazaqstan aýmaǵyna Germanııa, Nıderlandy, Koreıa, Egıpet, Túrkııa, BAÁ, RF, Belarýs Respýblıkasy jáne Ózbekstannan 13 halyqaralyq áýe reısi keldi. Bul týraly QazAqparat tilshisi.

Sanıtarııalyq-epıdemıologııalyq baqylaý komıtetiniń habarlaýynsha, 1 458 áýe jolaýshylarynyń ishinde PTR-testileýdiń teris nátıjesi bar anyqtamamen 1 199 adam, anyqtamasyz 259 QR azamaty keldi.

Onyń ishinde:
Almaty qalasynyń áýejaıyna – 6 reıs, 770 jolaýshy, anyqtamamen - 713, anyqtamasyz - 57;
Nur-Sultan qalasynyń áýejaıyna – 5 reıs, 517 jolaýshy, anyqtamamen - 321; anyqtamasyz - 196;
Oral qalasynyń áýejaıyna – 1 reıs, 96 jolaýshy, anyqtamamen - 91; anyqtamasyz - 5;
Atyraý qalasynyń áýejaıyna – 1 reıs, 75 jolaýshy, anyqtamamen - 74; anyqtamasyz - 1.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2020 jyldyń 22 jeltoqsanynda anyqtamasyz kelgen barlyq 149 QR azamatynyń PTR-taldaýlary teris nátıje kórsetti.