PTR ádisimen koronavırýsqa aqyly test jasatý quny belgili boldy

NUR-SULTAN. QazAqparat - «Ulttyq saraptama ortalyǵy» jeke tulǵalar úshin PTR (polımerazdy tizbekti reaktsııa) ádisimen Sovid-19 koronavırýs ınfektsııasyn testileýdi bastady, dep habarlaıdy QazAqparat ortalyqtyń baspasóz qyzmetine silteme jasap.

Testileý Qazaqstannyń barlyq oblys ortalyqtary men respýblıkalyq mańyzy bar qalalarda ornalasqan Ulttyq saraptama ortalyǵynyń fılıaldarynda júrgiziledi.

PTR ádisimen Covid-2019 testiniń quny 11 500 teńge. Zertteý úshin bıomaterıal retinde muryn qýysy men jutqynshaq jaǵyndysy qoldanylady.

Test nátıjesi 12 saǵattan 24 saǵatqa deıingi aralyqta beriledi. Nur-Sultan jáne Almaty qalalaryna áýe tasymaly arqyly saparlaryn josparlaǵan azamattar ushý kúninen keminde 2 kún buryn testileýden ótýi qajet. Covid-2019 juqpasynyń bolmaýy týraly anyqtama alǵan kúnnen bastap 7 kúnge jaramdy bolady. Test nátıjeleri analız tapsyrǵan jerden beriledi.

Testileýden ótý úshin azamattar jeke málimetterdi toltyryp, aldyn ala nce.kz saıtynda tirkelýi qajet.

Sonymen qatar, fılıaldarǵa barǵan kezde medıtsınalyq betperdeniń bolýy, qaýipsiz qashyqtyqty saqtaýy jáne belgilengen ýaqyttan keshikpeýi qajet kerek.

Taldaýdy qabyldaý aptasyna 7 kún, saǵat 8.30-dan 16.00-ge deıin (jergilikti ýaqyt boıynsha) júrgiziledi.