PSJ klýby Kılıan Mbappeni 300-350 mln eýroǵa satýǵa daıyn

ASTANA. QazAqparat – Frantsııanyń «Parı Sen-Jermen» klýby shabýylshy Kılıan Mbappeni ótemaqy esebinde 300-350 mln eýroǵa satýǵa daıyn, dep habarlaıdy QazAqparat tilshisi.

The Telegraph málim etkenindeı, oıynshymen 2025 jylǵa deıin kelisimshart jasalǵan.

Alaıda frantsııalyq shabýylshy ketemin degen jaǵdaıda tıisti usynys tússe, klýb ony sata alady. «PSJ» Mbappeni 300-350 mln eýroǵa baǵalap otyr.

«Real» kezinde bizge qaraǵanda, Kılıanǵa kóp aqsha usynǵan bolatyn. Biraq ol bizdi tańdady. Eń bastysy da sol edi. Osynda oınaýǵa uıǵarsa, máseleniń aqshada emestigin bildiredi», - dedi «PSJ» ókili.

Eske sala keteıik, budan buryn Messıdiń álem chempıonattarynyń rekordyn ornatqanyn jazǵan bolatynbyz.

Sondaı-aq Messı álem chempıonatynda gol salý jóninen Peleni qýyp jetti.

Penaltı serııasynda Frantsııany jeńgen Argentına úshinshi ret álem chempıony atandy.

Chempıonat surmergeni Kılıan Mbappe gol sany jóninen Pele jáne Messımen teńesti.

Lıonel Messı Qatardaǵy álem chempıonatynyń úzdik oıynshysy atandy.

Foto:championat.com