Pskov túbinde júrgizýshi eki jasar qyzyn anasynyń kóz aldynda kólikpen basyp ketti
ASTANA. QazAqparat - Pskov oblysynda eki jasar qyz bala óz ákesiniń jol talǵamaıtyn kóligi dóńgeleginiń astynda qalyp, qaza tapty, dep habarlaıdy «Gazeta.Ru».
Tergeý nusqasy boıynsha Pechora aýdanyndaǵy orman sileminde 40 jastaǵy er adam djıppen eki jasar qyzyn basyp ketti. Búldirshin alǵan jaraqattarynan kóz jumdy.
RF QK-niń 109-babynyń 1-bólimimen (abaısyzda adam óltirý) qylmystyq is qozǵaldy.
«Pskov jańalyqtar lentasynyń» atap ótýinshe, Pskov oblysyna Sankt-Peterbordan demalý úshin eki balasy bar otbasy kelgen. 8 jasar ul men 2 jasar qyz balanyń ata-anasy sańyraýqulaq jınamaq bolǵan. Oqıǵa er adamnyń balalarynyń qaıda júrgenin anyqtamaı, kóligin turaqqa qoımaqshy bolǵanda oryn alǵan. Saldarynan júrgizýshi kólik dóńgeleginiń janynda oınap júrgen qyz balany basyp ketti.
