Pskov mańyndaǵy shaıqasta qaza tapqan panfılovshy qyzyl ásker Qartaıǵan Bosshyǵulovtyń esimi ulyqtaldy
ASTANA. 1 sáýir. QazAqparat - Jeńis kúni qarsańynda almatylyq Kúljámish Qartaıǵanovanyń otbasyna qatysty kópten kútken málimetter tabylyp,
1941 jyly soǵysqa attanyp, bir jyldan soń iz-túzsiz joǵalǵan ákesi Qartaıǵan Bosshyǵulovtyń taǵdyry jaıly derekter málim boldy.
Kóp jylǵa sozylǵan izdestirý jumystary sátti aıaqtaldy. Málim bolǵandaı, panfılovshy qyzyl ásker Qartaıǵan Bosshyǵulov 1943 jyly 5 qańtarda Kalının oblysy (qazirgi Pskov), Velıkolýkskıı aýdany, Sahna derevnıasynda erlikpen qaza tapqan. Ol Novkovo selosyndaǵy baýyrlastar zıratynda 1498-shi adam bolyp jerlengen eken.
Іzdeýshilerdiń ótinishi boıynsha, aýdan ákimshiligi men áskerı komıssarıat onyń atyna eskertkish taqta ornatty. Osylaısha erlikpen qaza tapqan batyrdyń esimi ulyqtaldy.
