Psıhologtiń kásiptik standarty bekitiledi
ASTANA. KAZINFORM — Ashyq normatıvtik-quqyqtyq aktiler portalynda Eńbek jáne halyqty áleýmettik qorǵaý mınıstriniń «Psıhologtiń kásiptik standartyn bekitý týraly» buıryq jobasy jarııalandy.
Kásiptik standart «Psıhologııalyq qyzmet týraly» Qazaqstan Respýblıkasynyń Zańynyń 14-babyna sáıkes ázirlengen.
Qujat aıasyndaǵy kásibı qyzmettiń negizgi maqsaty — psıhologııalyq dıagnostıka, keńes berý, túzetý, ońaltý, abılıtatsııa, psıhoprofılaktıka jáne psıhologııalyq aǵartý arqyly balalar men jasóspirimderge, múmkindigi shekteýli jáne damýynda buzylystary bar adamdarǵa, sondaı-aq jeke tártippen psıhologııalyq kómek alýǵa júginetin jeke jáne zańdy tulǵalarǵa bilikti, etıkalyq qaǵıdalarǵa negizdelgen jáne ǵylymı negizdelgen psıhologııalyq kómek kórsetý.
Bul kómek psıhologııalyq ál-aýqatty saqtaý men nyǵaıtýǵa, beıimdelýge jáne ómir sapasyn arttyrýǵa baǵyttalǵan.
Buıryq jobasy 11 qyrkúıekke deıin qoǵamdyq talqylaýǵa shyǵarylyp otyr.
Buǵan deıin Psıhologterdiń ádep kodeksini jobasy jarııalanǵan edi.
