Psıhologterdiń memlekettik tizilimi jasalady

ASTANA. KAZINFORM — Azamattardy túrli aıla-sharǵymen jańylystyratyn jalǵan psıhologterdiń qyzmeti shekteledi. Bul jóninde Parlament Májilisiniń jalpy otyrysynda zań jobasyn talqylaý kezinde depýtat Aına Mysyrálimova málimdedi.

— Ashyqtyqty qamtamasyz etý jáne qoǵam senimin arttyrý maqsatynda barlyq praktık psıhologtardy memlekettik tizilimde mindetti túrde tirkeý usynylady. Bul qyzmet naryǵyn júıeleýge jáne tıisti biliktiligi joq, azamattardy túrli aıla-tásilder arqyly jańylystyratyn jalǵan mamandardyń qyzmetin shekteýge múmkindik beredi, — dedi depýtat.

Aıta keteıik buǵan deıin psıhologterge qoıylatyn talaptar zańnamalyq deńgeıde bekitiletinin jazǵanbyz.