Psıhologterdiń qyzmet alýshylarǵa dárilik zattardy usynýyna tyıym salynady
ASTANA. KAZINFORM – «Psıhologııalyq qyzmet týraly» zań jobasy Parlament Májilisiniń birinshi oqylymynda maquldandy.
Qujat psıhologııalyq qyzmet salasyn quqyqtyq turǵyda retteıdi. Sondaı-aq osy baǵyttaǵy memlekettik saıasattyń maqsattary, ustanymdary men mindetterin belgileıdi.
– Psıhologııalyq kómek pen medıtsınalyq qyzmetti aıqyn bólýdi qamtamasyz etý, sonyń ishinde psıhologter tarapynan dárilik emdeýge jol bermeý kózdeledi. Bul halyqaralyq tájirıbege saı bolyp, azamattarǵa kórsetiletin qyzmettiń qaýipsizdigin arttyrady, - delingen zań jobasynda.
Sonymen qatar psıhologtiń qyzmetine qatysty quzyretter, biliktilik jáne kásibı qyzmet mazmunyn anyqtaıtyn kásibı standart engizilmek. Bul kórsetiletin qyzmetterdiń sapasyn bir deńgeıde ustap turýǵa múmkindik beredi.
Aıta keteıik, buǵan deıin psıhologterge qoıylatyn talaptar zańnamalyq deńgeıde bekitiletinin jazǵanbyz.
Sondaı-aq psıhologterdiń memlekettik tizilimi jasalady.
Odan bólek, psıhologter qyzmet alýshymen shart jasasýǵa mindetteledi.
