Psıhologterdiń biryńǵaı aqparattyq bazasy qalyptastyrylady
ASTANA. KAZINFORM — Sertıfıkaty bar psıhologterdiń biryńǵaı aqparattyq bazasy qalyptastyrylady. Mundaı jańashyldyq ashyq normatıvtik-quqyqtyq aktiler portalynda jarııalanǵan Eńbek jáne halyqty áleýmettik qorǵaý mınıstriniń buıryq jobasynda kózdelgen.
Vedomstvonyń atap ótýinshe, psıhologııalyq qyzmet salasynda zańnamalyq retteý jáne psıhologterdiń memlekettik tizilimi bolǵan joq.
Psıhologterdiń memlekettik tizilimi sertıfıkattaýdan ótken psıhologterdi esepke alý, olardyń biliktiligi týraly aqparattyń ashyqtyǵyn qamtamasyz etý jáne kásibı qyzmetti júzege asyrý quqyǵyn rastaý maqsatynda qurylady. Sonymen qatar psıhologterdiń memlekettik tizilimin júrgizý, psıhologterdi memlekettik tizilimge engizý jáne odan shyǵarý Qaǵıdalary bekitiledi.
— Psıhologterdiń memlekettik tizilimin qurý sertıfıkattalǵan psıhologterdiń biryńǵaı aqparattyq bazasyn qalyptastyrýǵa, olar týraly málimetterdi esepke alýdy jáne ózektendirýdi qamtamasyz etýge, sondaı-aq azamattar men uıymdarǵa jaramdy sertıfıkattyń bolýy týraly aqparatty tekserý múmkindigin berýge baǵyttalǵan, — dep atap ótedi mınıstrlikten.
Mınıstrdiń buıryq jobasy 15 qyrkúıekke deıin qoǵamdyq talqylaýǵa shyǵarylǵan.
Buǵan deıin Psıhologtiń kásiptik standarty bekitiletinin jazǵan edik.
