Psıhologterge qoıylatyn talaptar zańnamalyq deńgeıde bekitiledi
ASTANA. KAZINFORM — Psıhologterdiń kásibı biliktiligi men bilimine naqty talaptar qoıylady. Bul jóninde Parlament Májilisiniń jalpy otyrysynda zań jobasyn talqylaý kezinde depýtat Aına Mysyrálimova málimdedi.
— Zańda alǵash ret psıholog uǵymy naqty aıqyndalyp, psıhologııalyq qyzmetpen kimderdiń aınalysa alatyny belgilenedi. Psıhologterdiń kásibı biliktiligi men bilimine qoıylatyn naqty talaptar engiziledi. Sonymen qatar kásibı qupııany saqtaý, etıkalyq normalardy ustaný jáne manıpýlıatıvtik ádisterdi qoldanýǵa tyıym salý sııaqty qyzmet qaǵıdattary bekitiledi, — dedi depýtat.
Odan bólek, psıhologterdiń jáne qyzmet alýshylardyń quqyqtary men mindetteri aıqyndalady.
— Qyzmet sapasyn arttyrý maqsatynda standarttaý, kásibı jaýapkershilikti kúsheıtýge baǵyttalǵan normalar qarastyrylǵan. Sondaı-aq psıhologııalyq qyzmettiń nysandary men ádisteri belgilenedi. Mysaly, psıholog óz qyzmeti aıasynda psıhodıagnostıka júrgizýge, keńes berýge, psıhokorrektsııalyq ádisterdi qoldanýǵa, ońaltý, daǵdarystan shyǵý kómegin kórsetýge quqyly, — dedi A. Mysyrálimova.
Aıta keteıik, buǵan deıin Qazaqstanda psıholog qyzmeti qansha turatynyn jazǵanbyz.
