Psıhologtardyń ádep kodeksi bekitiledi
ASTANA. KAZINFORM — Ashyq normatıvtik-quqyqtyq aktiler portalynda Psıhologtardyń ádep kodeksi jobasy jarııalandy.
Kodeks jobasy «Psıhologııalyq qyzmet týraly» Zańǵa sáıkes ázirlengen. Psıhologtardyń memlekettik tiziliminde tirkelgen, psıhologııalyq qyzmetti júzege asyratyn barlyq tulǵa úshin mindetti bolatyn kodeks kásibı quzyrettilik, qupııalylyq pen kásibı qupııany saqtaý, aqparattandyrylǵan kelisimdi mindetti túrde alý, ókilettikterdi asyra paıdalanýǵa tyıym salý qaǵıdattaryn reglamentteıdi.
Ádep kodeksin bekitý psıhologııalyq kómek kórsetý salasyndaǵy biryńǵaı kásibı quqyqtyq standarttardy qalyptastyrady, kórsetiletin qyzmetterdi alýshylardyń quqyqtary men psıhologııalyq densaýlyǵyn adal emes praktıkadan qorǵaıdy, sondaı-aq bilikti mamandardyń jaýapkershiligi men mártebesin arttyrady.
Qujat 25 tamyzǵa deıin qoǵamdyq talqylaýǵa shyǵarylǵan.
Buǵan deıin psıhologtardyń biryńǵaı memlekettik tizilimi jasalatynyn jazǵan edik. Onyń kómegimen azamattar mamannyń dıplomyn, biliktiligin jáne kásibı tájirıbesin teksere alady.
