PSIHOLOGTAR: Renjiskennen keıin sóılespeı qoıatyn erli-zaıyptylar ajyrasyp tynady
ASTANA. QazAqparat - Eger ursysyp qalǵannan keıin erli-zaıyptylar ne úshin sondaı jaǵdaıdyń týyndaǵany jaıynda sóılespeı, bir-birin únsizdik arqyly jazalasa jáne osyny ádetke aınaldyrsa, onda olardyń nekesi kóp uzamaı buzylyp tynady.
Renjiskennen keıin sóılespeı qoıǵannan esh paıda joq. Onyń otbasylyq qarym-qatynasqa ǵana emes, adamnyń densaýlyǵyna da zııany kóp, - dep jazady Myjane portaly.
Bundaı qorytyndyǵa kelmes buryn psıhologtar 14 myń adam qatysqan zertteý júrgizgen. Olar otbasylyq arazdyqqa qatysty 74 túrli synnan ótken. Sondaǵy ǵalymdardyń túıgeni mynaý: sóılespeı qoıý - tatýlasýǵa kedergi keltiretin eń zııandy áreket.
Renjisip qalǵannan keıin adam boıynda ashý paıda bolady. Ol tarqamasa birti-birte yzanyń yzǵary órshı túsedi. Bundaı jaǵdaıda bar emotsııańdy tarqatý úshin sóz taptyrmas qural ekeni belgili.
Sondaı-aq, tez arada tatýlasyp ketpegen sebepti adam qobaljyp, tún uıqysy, asqa tábeti, bıorıtmi buzylady.
Psıhologııalyq turǵydan alǵanda, uzaq ýaqyt jubaıymen til qatyspaı júrgen adam jalǵyzdyqqa boı úıretip, juptyq qýatty sezinýden qalady. Osy sebepti ol ajyrasqandy jón dep tabýy múmkin.
