Psıhologtar otbasynda urys-keristi boldyrmaýdyń ońaı jolyn aıtty
ASTANA. QazAqparat - AQSh-tyń Djordjııa ýnıversıteti ǵalymdary nekelesken juptyń qalaı baqytty bolatynyn boljap berdi, dep jazady The Daily Mail.
Zertteýshilerdiń aıtýynsha, nekeniń baqytty bolýy úshin qymbat syılyq, otbasylyq psıhoterpııanyń qajeti shamaly. Tek jubaılar bir-birine árqashan rızashylyq bildirip, kóbirek alǵys aıta bilýi kerek.
Zertteý qorytyndysynda mamandar erli-zaıyptynyń ózara syılastyǵy berik bolýy úshin kúshti senim kerektigin eskertken.
Muny anyqtaý úshin zertteýshiler nekedegi 468 juptan suraq-jaýap alǵan. Qatysýshylar qarjylyq jaǵdaı, joldasyna kózqarasy, oǵan degen rızashylyq sezimi jaıynda suraqtarǵa jaýap berdi. Osylaısha, ǵalymdar bir-birine rıza otbasylardyń baqytty ekenine kóz jetkizdi.
Ádette, áıeli kúıeýinen ár nárseni talap etedi. Er adamdar barlyǵyn oryndaı berýden bas tartady. Mamandar osyndaı qaıshylyq kezinde, onyń jaqsylyǵyn eske alyp, rızashylyǵyn tanytsa, qanaǵatshyl bolyp, barǵa bereke tilese, urys-keristiń jolyn kesýge bolady, deıdi.
