Psıhologtar erli-zaıyptylardyń qalaı pessımıstke aınalatyndaryn anyqtady
ASTANA. QazAqparat - Psıhologtar 11 jyl boıy jalǵyz turatyn jáne otbasyn qurǵan adamdardyń densaýlyǵyna taldaý júrgizdi. Olardyń aıtýlaryna qaraǵanda, densaýlyqqa tek baqytty otbasylyq ómir ǵana paıdaly kórinedi.
Al jyldar boıy sozylǵan urys-keris erli-zaıyptylardyń optımızmin qurtyp, olardy beımaza jáne pessımıst adamdarǵa aınaldyrady eken. Іriktelip alǵan respondentter anketa arqyly kóptegen jyldar boıy otbasylyq ómirdi, qarym-qatynastardaǵy qarbalastyqty sýrettep júrgen. Belgili bir ýaqyt ótkennen keıin qatysýshylardyń «emotsıonaldyq is-qımylyna» testileý júrgizilip otyrǵan. Olarǵa beıtarap, jaǵymsyz jáne pozıtıvtik turǵydaǵy ártúrli 90 sýret kórsetilgen. Otbasylyq ómirdegi janjal jaıynda jıi áńgime qozǵaıtyn qatysýshylar sýrette kórsetilgen jaǵymdy ári pozıtıvtik beınelerdi esh elemegen kórinedi. Ǵalymdardyń tujyrymyna qaraǵanda, uzaqqa sozylǵan urys-keriske toly qarym-qatynastar saldarynan adamdardy kóńilsizdik jaılap, ol depressııanyń alǵashqy belgileri retinde kórinis berýi múmkin. Sondyqtan jaqsy otbasylyq ómirde ǵana adamdar ózderin jaıly sezinedi, dep jazady Rosbalt.
