Psıhologter de sarqylady, olarǵa da qoldaý kerek – Májilis depýtaty

ASTANA. KAZINFORM – Májilis depýtaty Juldyz Súleımenova pedagog-psıhologtardiń biliktilik máselesin kóterdi. 

Жұлдыз Сүлейменова
Фото: parlam.kz

— Psıhologııalyq qyzmetke qatysty aýqymdy sharalar jasaldy. Buǵan deıin psıhologııalyq qyzmetke nemquraıly qaraıtyn, qazir mindettelgen. Áıelder men balalardyń quqyǵyn qorǵaý men qaýipsizdigin qamtý aıasynda bilim basqarmalary janynan psıhologııalyq qoldaý ortalyqtary ashyldy. Sonymen qatar medıtsınalyq uıymdardyń janynda agressorlarǵa psıhologııalyq kómek kórsetetin mamandardyń jumysy zańdastyryla bastady. Biraq, aqparat aǵyny, jahandaný kezeńindegi ózgerister psıhologııalyq qyzmetti odan ári damytýdy qajet etedi, — dedi Juldyz Súleımenova Májilistiń Áleýmettik-mádenı damý komıtetinde ótken psıhologııa qyzmetiniń problemalaryna arnalǵan dóńgeles ústel barysynda. 

Sondaı-aq halyq qalaýlysy psıholog mamandaryn daıarlaý máselesine den qoıdy. 

— Taǵy bir aıta ketetin jaıt, sýpervızııa, ıaǵnı pedagog-psıhologtardi qoldaý, olardyń ózine de qoldaý qajet. Qazir bizde sýpervızııa múldem qarastyrylmaı tur. Shynyn aıtqanda olarda tulǵalyq turǵydan, psıhologııalyq turǵydan sarqylady, — deıdi ol.

Buǵan deıin Oqý-aǵartý mınıstriniń orynbasary Edil Ospan mektep psıhologtariniń biliktiliginiń tómen ekenin aıtqan edi. 

Aıta keteıik, elimizde psıhologııalyq qyzmet týraly arnaıy zań jobasy qolǵa alyndy. 

Májilis depýtaty Ashat Aımaǵambetov elimizde psıhologııalyq qyzmet kórsetýdiń tıisti normalary bar, biraq ol shashyrańqy ekenin aıtty. 

Сейчас читают