Psıhologtar ata-analarǵa jasóspirim balalarǵa daýys kóterýge tyıym saldy
ASTANA. 9 qyrkúıek. QazAqparat - Jasóspirim balalarǵa daýys kóterýdi ádetke aınaldyrǵan balanyń minez-qulqynda kúızelistiń damýyna qaýipti arttyrady, dep jazady The Daily Mail. Balaǵa aýyr sózder aıtý onyń emotsıonaldyq damýyna keri áser etedi.
Amerıkalyq Pıttsbýrg Ýnıversıteniń sarapshylary arnaıy 976 otbasyny zerttegen. Onyń barysynda kóptegen ata-analardyń qalyptasqan tárbıeleý ádisterinen verbaldy túrine kóshkenin, ıaǵnı bala jasóspirim kezeńge aıaq basqanda qolǵa alatyny anyqtaldy. Olar jıi balalarǵa dórekilik kórsetken (otbasylardyń 50 paıyzy). 13 jastaǵy jetkinshekke daýys kótergennen, onyń saldarynan balanyń ózin-ózi ustaýy men emotsıonaldy áreketinde aýytqýshylyq baıqalǵan.
13-14 jastaǵy jasóspirimderdiń boıynda kúızelis qalyptasyp, olar ózderin mektepte durys ustamaǵan, ótirik aıtyp, urlyqqa barǵan, tóbeleske urynǵan.
Qorytyndy eki jyl boıy júrgizilgen saýalnama negizinde jasalǵan. Olardyń kómegimen ǵalymdar otbasy músheleriniń psıhıkalyq densaýlyǵy, tárbıeleý ádisteri men sapasy, balalar men ata-analarynyń qarym-qatynastary týraly anyqtaǵan. Qorytyndy: ata-analardyń 90 paıyzy osy ýaqyt aralyǵynda olar balalaryna kem degende bir ret ursyp, daýys kótergenderin moıyndaǵan. Ǵalymdar ata-analarǵa ózderin balalaryna qatysty tolǵandyrǵan máselelerdi olarmen ashyq sóılesýge keńes beredi.
