Psıhologtar ata-analarǵa áleýmettik jelige balalarynyń sýretterin jarııalamaýǵa keńes beredi
ASTANA. QazAqparat - Ata-analardyń kópshiligi dos-jarandarymen ózderiniń otbasylyq ómiri jaıly maǵlumattarmen bóliskisi keledi. Osy maqsatta olar áleýmettik jelilerge foto, beıne, basqa da aqparattardy salady.
Mıchıgan ýnıversıtetiniń ǵalymdary mundaı árekettiń paıdasyna qaraǵanda, zııany kóp dep sanaıdy. Bul keıinirek sol ata-analardyń balalaryna emotsııalyq zardabyn tıgizýi múmkin.
Bala ósken soń áleýmettik jelilerdi ózi paıdalana bastaıdy. Ári, keı ata-analar kishkentaı balalaryna arnap ózderi paraqsha ashady. Zertteýshiler áleýmettik jelige balalardyń ómiri jaıly egjeı-tegjeıli málimetterdi ornalastyrýdyń qandaı jaǵdaıǵa ákelip soǵatynyn anyqtap jatyr.
Bir jaǵynan, ata-analar bul turǵyda áleýmettik jelini paıdaly dep sanaıdy. Alaıda keıbireýleri olar adamǵa qatysty qaýipsizdik pen qupııalylyqty buzady dep shamalaıdy, dep habarlady Meddaily.
