Psıhologtar adamnyń jeke ómirindegi baqytsyzdyqtyń syryn ashty
ASTANA. QazAqparat - AQSh psıhologtarynyń zertteýine qaraǵanda, jeke ómirdegi sátsizdikter (ómirlik serigin durys tańdaı almaýy, jalǵyzdyq) adamnyń otbasy múshelerimen ózara qarym-qatynasyna baılanysty eken.
Sarapshylar 15 jyl boıy 2970 jasóspirim týraly málimetterdi jınaqtaǵan. Osy ýaqyt ishinde bul bozbalalar men boıjetkender erjetip, otbasyn qurǵan.
Atap aıtqanda, erte jasynan ata-anasymen túsinistikte bolǵan balalardyń otbasylyq ómirinde eshqandaı problema baıqalmaǵan. Al balalyq shaǵynda ata-anasymen syılastyq bolmaǵandardyń jeke otbasynda da qarym-qatynas qıyn qalyptasqan.
Psıhologtardyń paıymynsha, ata-anasy men jasóspirimder arasyndaǵy qarym-qatynastyń beıbit nemese jelikpeli bolýy balalarynyń 15 jyldan keıingi ómirinde de olardyń romantıkalyq qatynastarynyń sátti qalyptasýyna yqpal etedi.
Osy oraıda, mamandar balalyq shaqta adam ata-anasymen qalaı syılasyp úırense, ol ózge adamdarmen qatynastarda ózin solaı kóredi dep túsindiredi. ıAǵnı, adamdar romantıkalyq qarym-qatynastaryn jas kezinde qalyptasqan sana-sezimmen qurady jáne ony ózgertýge qaýqarsyzdyq tanytady, dep jazady Rosbalt.
