Psıhologtar adamnyń qaı kezde ózin shynaıy baqytty sezinetinin anyqtady
ASTANA. QazAqparat - Amerıka psıhologtary erekshe zertteý júrgizdi. Bir aptaǵa sozylǵan zertteýge 577 adam óz erkimen qatysty. Ǵalymdar osy ýaqyt aralyǵynda adamnyń shynaıy baqytty bolýy úshin ne qajet ekenin tapqandaryn aıtady.
Qatysýshylardyń árqaısysyna ózderi súıetin ispen aınalysý tapsyryldy. Adamdar ózgelerdiń pikirine qaramastan, ózderi eń tartymdy dep biletin ispen shuǵyldandy jáne osy ýaqyt aralyǵynda olardyń kóńil-kúıleri óte jaqsy bolǵany baıqaldy. Tipti, bireýi de shaǵymdanbaǵan.
Psıhologtardyń aıtýynsha, adamnyń shynaıy baqytty bolatyn kezi - óziniń súıikti isimen shuǵyldanǵan sáti. Sondaı-aq ǵalymdar 15-24 jas aralyǵyn da eń baqytty kezeń dep baǵalady, dep jazady planet-today.ru.
