«Psıhologqa baryp júrmin»: ıAsmına Toqsanbaeva Azıadadan keıingi ómiri týraly

Bastan ótken jaǵdaıdy eske alǵan sportshy tolqýyn jasyra almady. Onyń aıtýynsha, bıylǵy jarystar úlken synaq bolǵan.

– Osy jyl ońaı bolmady, maýsym da óte aýyr ótti. Jaraqat alyp, jaz boıy emdelýge týra keldi. Soǵan qaramastan, aýyrsynǵanyma qaramaı jattyqtym. Biraq munyń bári zaıa ketpedi dep oılaımyn. Úlken sporttyń máni de osynda. Kópshiliktiń kózinen tasa jerde qanshama eńbek, tózim men sabyr jatyr, – deıdi jeńil atlet.

Ásirese, eń aýyr sát – Azııa oıyndarynan keıingi jaǵdaı boldy. ıAsmınanyń aıtýynsha, oqıǵadan keıingi alǵashqy aı qıyn ótken: uıqysy qashyp, qazir psıhologpen jumys istep júr. Bul jaǵdaı onyń jaqyndaryna da ońaı tımegen.

– Bir aı boıy qatty qınaldym. Osy jaǵdaıdan keıin uıyqtaı almaı júrdim. Ákem áli kúnge deıin jylaıdy, bolǵan oqıǵany qabyldaı almaı júr. Ózime kelip, qaıtadan jattyǵýǵa kirisý de qıyn boldy. Qazir psıhologpen jumys istep jatyrmyn, – dedi ol.

Moıymaýǵa kúsh bergen marapat

Sportshy úshin Memleket basshysymen búgingi kezdesý erekshe mańyzdy boldy. ıAsmına Aqordaǵa shaqyrylǵanyn shamamen 1,5 apta buryn bilgen. Onyń aıtýynsha, bul jańalyq ózine degen senimin qaıta oıatyp, alǵa umtylýǵa jiger bergen.

– Prezıdentpen búgingi kezdesý men úshin óte mańyzdy. Aqordaǵa shaqyrylǵanymdy estigende, úmitim oıanyp, erekshe shabyttandym. Eńbegim elenip, meni baıqaǵanyn túsindim. Osy kezdesý úshin Prezıdentke shyn júrekten alǵys aıtamyn. Óıtkeni dál osy kún maǵan synbaýǵa kúsh berdi, – dedi ıAsmına.

Mınıstrmen birge balmuzdaq jegen kún

Sportshy oqıǵadan keıin birden qoldaý kórsetkenderdi de erekshe baǵalaıdy. Sol kezde onyń jattyǵý bazasyna Týrızm jáne sport mınıstri men federatsııa prezıdenti arnaıy barǵan. Kezdesý beıresmı sıpatta, óte jyly ári erkin jaǵdaıda ótken. Olar saltanatty sóz sóılep, resmı qabyldaý ótkizýdiń ornyna, birge otyryp balmuzdaq jegen.

– Osy jaǵdaıdan keıin kóp uzamaı jattyǵý bazasyna Sport mınıstri men federatsııa prezıdenti keldi. Balalyq shaqtaǵydaı birge otyryp, balmuzdaq jedik. Olar maǵan jiger berip, munyń bári áli bastamasy ǵana ekenin aıtty. Osyndaı qoldaý kórsetkenderine sheksiz rızamyn. Mınıstrmen birge balmuzdaq jeýdiń ózi men úshin úlken mártebe. Árıne, buǵan sebep bolǵan jaǵdaıdyń ókinishti bolǵany janǵa batady, – dedi jeńil atlet kúlimsirep.

Alda – álem chempıonaty men Olımpıada armany

ıAsmına kelesi maýsymnyń josparyn quryp, bapkerimen birge jattyǵýdy jalǵastyryp jatyr. Alda jarysqa toly maýsym kútip tur. Sportshynyń eń úlken armany – Olımpıada oıyndaryna qatysý.

– Árıne, meniń armanym – Olımpıadaǵa qatysý. Bapkerimmen birge daıyndyqty jalǵastyryp jatyrmyz. Keler jylǵa josparymyz kóp, sonyń biri – álem chempıonatyna qatysý. Ol úshin qajetti normatıvti oryndaýymyz kerek. Ókinishke qaraı, osy jarystaǵy nátıjemiz esepke alynbady, – dedi ol.

Sportshy alǵashqy jarystaryn aqpan aıynda bastaýdy josparlap otyr. Mamyrda Azııa chempıonatyna qatysyp, Olımpıada normatıvin oryndaýǵa nıetti. Al maýsymdy qyrkúıekte ótetin álem chempıonatymen qorytyndylamaq.

Memleket qoldaýy seziledi

ıAsmına Qazaqstanda sport salasynyń damyp kele jatqanyn jáne memleket tarapynan qoldaý bar ekenin de atap ótti.

– Qazaqstannyń osy baǵytta damyp kele jatqanyna óte qýanyshtymyn. Bul baǵytta aýqymdy jumys atqarylyp jatyr. Ony kórip te, sezinip te júrmiz. Mınıstrlik tarapynan qoldaý bar ekenin sezinemin. Bul meni qýantady, – dedi ol.

Eske salaıyq, otandasymyz Aıchı-Nagoıa qalasynda ótken Azııa oıyndarynyń jeńimpazy atanǵan bolatyn. Ol jeńil atletıkadan áıelder arasynda sporttyq júristen marafon qashyqtyǵyn 3 saǵat 22 mınýt 20 sekýnda baǵyndyryp, márege birinshi bolyp jetken. 

Alaıda keıin onyń marafondyq sporttyq júristen kórsetken nátıjesi joıyldy. Oǵan sportshynyń aıaq kıimi jarysta bekitilgen tizimge sáıkes kelmeýi sebep boldy. 

Búgin Aqordada Prezıdent Azııa oıyndary jáne Azııa paraoıyndarynyń jeńimpazdary men júldegerlerin marapattady.