Psıholog qaryzǵa kirýdiń psıhologııalyq sebepterin túsindirdi

ASTANA.KAZINFORM — Psıholog Shapaǵat Esjan qaryzdyń jıi psıhologııalyq ımpýlsten bastalatynyn aıtty.

— Adam baqyt gormony jetpeı tursa, bir sáttik emotsııa úshin artyq shyǵyndanyp, qaryzǵa kirip ketedi. «Maǵan bul shynymen kerek pe?» degen suraqty qoıý mańyzdy, - deıdi maman.

Psıhologtiń aıtýynsha, ımpýlsıvti satyp alý kóbine ýaqytsha baqyt gormonyn sezinýge degen umtylystan týady. Dál osy tusta maman qaryzdan qashyq júrýge kómektesetin qarapaıym qaǵıdalardy usynady:

Ár nárseni satyp alýdyń aldynda: «Maǵan bul zat qajet pe, álde kóńil kúı úshin alyp turmyn ba?» dep suraý.

Emotsııany baqylaý: ýaqytsha baqyt sezimin zatpen almastyrýǵa tyryspaý.

Qaryzdy jasyrmaý: jaqyndarǵa ashyq aıtý arqyly kúızelisti azaıtý.

Shyǵyndy josparlaý: shamadan tys sarqylmaıtyn qarjylyq tepe-teńdik tabý. Nesıe tek qajettilik bolsa ǵana alý.

Qııaldy iske aınaldyrý: ıdeıany tabys kózine baǵyttaý.

Esjannyń aıtýynsha, qaryzy bar adamnyń nazary únemi mindettemege aýyp, kúndelikti ómir sapasy tómendeıdi.

Aıta keteıik, buǵan deıin qaryzǵa batqan jastardyń sany kóbeıip bara jatqanyn jazǵan edik.