Psıholog Almatyda er kisini múshelegen adamnyń psıhotıpin anyqtady
ASTANA. QazAqparat - Almatyda er kisini múshelegen adam ony adam retinde qabyldamaǵan. Mundaı boljamdy psıhologııalyq taldaý mamany Oksana Gýlak jasady.
«Bul oqıǵanyń jaı-japsary týraly aqparat az, degenmen bir nárse anyq - psıhologııalyq turǵyda saý adam mundaıǵa barmaıdy. Adamǵa sondaı qııanat jasaý barysynda kisi óltirýshige ony adam retinde sanamaý mańyzdy. Sondyqtan ol osy psıhotıpke jatady dep boljaýǵa bolady. Ádette, ondaı adamdar jurtqa jany ashymaıdy, olarǵa qatysty sezim bildire almaıdy. Onyń adamgershiligi joq, tulǵa retinde de qalyptaspaǵan», - dedi O.Gýlak.
Sarapshynyń oıynsha, atalmysh isti jasaǵan adam kúızeliste bolǵany anyq, onyń aldynda turǵan adam ol úshin tulǵa retinde emes, zat nemese maqsat retinde kórinedi.
«Esirtki men alkogol baqylaý deńgeıin tómendetedi. Sol kezde adam shynaıylyqty qabyldaı almaı qalady. Biz kóp boljam jasaýymyz múmkin, biraq muny istegen adamda shynaıylyq prıntsıpteri bolmaǵany anyq. Affekt jaǵdaıynda boldy nemese ol patologııalyq psıhopat, onyń ózindik «egosy» buzylǵan. Ózge adamdy tulǵa retinde qabyldaıtyn adam mundaıǵa bara almaıdy», - dep atap ótti ol.
Aıta keteıik, 7 qyrkúıekte Almatyda qoqys jáshiginen adamnyń kesilgen dene músheleri tabyldy.
Úı-kúısiz adam Raıymbek jáne Abylaı han dańǵyldarynyń qıylystaryndaǵy qoqys jáshikteriniń birinen adamnyń basy jáne aıaq-qoldaryn taýyp alǵan. Qazir jantúrshigerlik qylmys boıynsha tergeý júrip jatyr.
