Psıhoanalıtık Anna Qudııarova Kazinform Instagram-akkaýntynda tikeleı efırge shyǵady

NUR-SULTAN. QazAqparat - Psıhoanalıtık Anna Qudııarova Kazinform Instagram-akkaýntynda tikeleı efırge shyǵady, dep habarlaıdy QazAqparat.

Koronavırýs pandemııasy kezindegi oqshaýlaný ýaqyty otbasy músheleriniń arasynda janjal týyndatýy múmkin. Bul kelispeýshilikten qalaı aınalyp ótýge bolady? Karantın ýaqytynda nemen aınalysýǵa múmkindik bar? Janjalǵa jol bermeı, karantın ýaqytyn tıimdi paıdalanýdyń joldary qandaı? Kerisinshe, adam úıde jalǵyz qalǵan kezde ýaqytty qalaı ótkizýge bolady?

Psıhoanalıtık Anna Qudııarova senbi, ıaǵnı 11 sáýir kúni saǵat 12.00-de «QazAqparat» halyqaralyq aqparat agenttiginiń Kazinform Instagram-akkaýntynda tikeleı efırge shyǵyp, tilshiler men oqyrmandardyń suraǵyna jaýap beredi.

Suraqtardy [e-mail] poshtasyna joldaýǵa bolady.

Anna Mergenbaıqyzy Qudııarova – Qazaqstandaǵy tanymal psıholog, Psıhoanalız ınstıtýtynyń dırektory.