Psıhıkasy zaqymdalǵan adamdar arasynda koronavırýstan ólim 5 ese joǵary - mamandar

NUR-SULTAN. QazAqparat – Manchester ýnıversıtetiniń mamandary adamnyń kez kelgen psıhıkalyq syrqaty koronavırýstan ólim-jitimdi 5 ese arttyrady degen qorytyndyǵa keldi. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııa aqparatynda aıtyldy, dep habarlaıdy QazAqparat.

Birikken Tanzanııa Respýblıkasy qaıyrymdylyq retinde Qytaı eli jóneltken koronavırýs ınfektsııasyna qarsy preparattyń kezekti partııasyn aldy. QHR Afrıka elderine COVID-19 vaktsınasyn halyqaralyq baǵdarlama aıasynda berýde. Tanzanııa azamattaryna Sinopharm vaktsınasynyń 800 myń dozasy jiberildi.

«Qytaıǵa ýaqytyly kórsetilgen qoldaý úshin úlken alǵys bildiremiz. Bul, Tanzanııa halqyn vırýsqa qarsy vaktsınalaý naýqanyn tezdetýge kómektesedi», - dedi Densaýlyq saqtaý, áleýmettik damý, genderlik máseleler, qarttar men balalar mınıstri Ýmmı Mvalımý.

Ol ótken jyldyń qarasha aıynda Qytaı syıǵa tartqan alǵashqy partııa eldiń 250 myń turǵynyn tolyqtaı ımmýndaýǵa kómekteskenin atap ótti. Óz kezeginde QHR Elshisi Chen Mıntszıan jaqyn arada Tanzanııaǵa Sinovac Biotech vaktsınasynyń taǵy 1 mln dozasy jetkiziletinine sendirdi.

Koronavırýs turaqsyz psıhıkasy bar adamdar úshin qaýip tóndiredi. Manchester ýnıversıtetiniń mamandary SARS-CoV-2-niń júıkesi aýyratyn naýqastardyń densaýlyǵyna áserin zerttegen. Nátıjesinde kez kelgen psıhıkalyq aýytqý koronavırýstan ólim qaýpin bes ese arttyrady degen qorytyndyǵa kelgen. Ǵalymdardyń tujyrymdary molekýlalyq psıhıatrııa jýrnalynda jarııalandy. Shızofrenııamen aýyratyn naýqastarǵa ólimniń erekshe qaýpibar. «Psıhotıkalyq buzylýlary bar adamdarda aýyr psıhıkalyq aýrýlary joq adamdarǵa qaraǵanda COVID-19-dan qaıtys bolý qaýpi 4,84 ese joǵary», - delingen ǵylymı jarııalanymnyń mátininde. Osylaısha, bıpolıarlyq buzylýlary bar patsıentter aýrýhanaǵa jatqyzýdy jáne mamandardyń táýlik boıy baqylaýyn qajet etedi.