Psıhıkalyq buzýshylyqtardan zardap shegetin azamattar májbúrli túrde emdeledi - Májilis
ASTANA. 18 qyrkúıek. QazAqparat - Búgin Parlament Májilisiniń jalpy otyrysynda palata depýtattary «Psıhıkalyq buzylýshylyqtardan zardap shegetin adamdardy májbúrlep emdeý júrgizý úshin berý týraly konventsııany ratıfıkatsııalaý týraly» zań jobasyn óndiriske aldy.
Konventsııa esi kiresili-shyǵasyly kúıde qoǵamǵa qaýipti is-áreketter jasaǵan jáne olarǵa qatysty medıtsınalyq sıpattaǵy májbúrleý sharalaryn qoldaný týraly sot sheshimi bar adamdar qaı eldiń azamaty bolsa, sol memleketke májbúrli emdeýden ótkizýge berýge qatysty jaǵdaılardy retteıdi.
Elbasy Jarlyǵyna sáıkes, Qazaqstan Respýblıkasynyń Bas Prokýratýrasy Konventsııany iske asyrý máseleleri boıynsha quzyretti organ bolyp tabylady.
«Konventsııa TMD elderiniń arasyndaǵy psıhıkalyq buzýshylyqtardan zardap shegetin adamdardy májbúrlep emdeý úshin berýdi kózdeıdi. Zań jobasyna 30 jeltoqsanǵa deıin qorytyndy ázirlenedi», - deıdi depýtat Máýlen Áshimbaev.
