Psıhıkalyq aýrýǵa shaldyqqandarǵa qarý alyp júrýge ruqsat berilip kelgen - Qarjy polıtsııasy
ASTANA. 9 shilde. QazAqparat - 2010 jyl men 2013 jyldyń І toqsany aralyǵynda Qazaqstanda psıhıkalyq aýrýǵa shaldyqqandar men esirtki qumarlarǵa 1800-den astam júrgizýshi kýálikteri men qarý alyp júrýge qatysty 61 ruqsat berilgen. Bul týraly Ekonomıkalyq qylmysqa jáne sybaılas jemqorlyqqa qarsy kúres agenttiginiń (Qarjy polıtsııasy) baspasóz qyzmetinen habarlandy.
«Qarjy polıtsııasynyń taldama bólimshesi 2010 jyldan bastap 2013 jyldyń І toqsany aralyǵynda Qazaqstanda psıhonevrologııalyq dıspanserler men narkologııalyq esepte turǵan aýrýlar men esirtki qumarlarǵa, onyń ishinde shızofrenııa, shızoaffektıvti psıhoz, sozylmaly jáne jedel sandyraq aýytqýlary bar adamdarǵa 1826 júrgizýshi kýálikteri men qarý alyp júrýge 61 ruqsat berilgenin anyqtady», - delingen baspasóz baıanynda.
Bul rette berilgen júrgizýshi kýálikteri men qarý alyp júrýge berilgen ruqsattyń kúshin joıý úshin sotqa shaǵym túsirýge prokýratýra organdaryna ótinish jiberildi. Odan basqa Qarjy polıtsııasy jibergen materıaldar negizinde júrgizýshi kýálikterin alý úshin medıtsınalyq anyqtamany qoldan jasaǵan beımálim azamattarǵa qatysty QR QK 325 babymen belgilerimen (jasandy qujat, mór, blankter, memlekettik nagradalardy jasaý) qozǵalǵan 25 qylmystyq is tekserilýde.
Buǵan deıin de habarlanǵandaı, Pavlodar oblysynda tekserý nátıjesinde 2011-2012 jyldary dıagnozdyń aýyr túrleri qoıylǵan, onyń ishinde shızofrenııa, shızoaffektıvtik psıhoz, sozylmaly jáne jedel sandyraq aýytqýlary bar psıhonevrologııalyq dıspanser patsıentterine júrgizýshi kýálikterin berýdiń 24 faktisi anyqtalǵan.
