Psıhıkalyq densaýlyq ortalyǵyna túsken 5 balanyń anasy úıge shyqty

AQTÓBE. KAZINFORM — Almaty qalasyndaǵy respýblıkalyq psıhıkalyq densaýlyq ǵylymı-praktıkalyq ortalyǵy dál qazirgi kezde deni saý dep anyqtama berdi. 

Al oblystyq densaýlyq saqtaý basqarmasy 2026 jyldyń sáýir aıyna deıin baqylaýda bolatynyn aıtty.

Aqtóbe oblystyq densaýlyq saqtaý basqarmasynyń habarlaýynsha, bes balanyń anasy Juldyz Tleýf 9-22 qazan kúnderi aralyǵynda Almaty qalasyndaǵy respýblıkalyq psıhıkalyq densaýlyq ǵylymı-praktıkalyq ortalyǵynda jatty. Ortalyqtan shyqqan kezde dárigerler din aman dep jazyp berdi.

— 2025 jyldyń sáýir aıynda kúızeliske ushyraǵan dep emdeý ornyna jatqyzyldy. ıAǵnı sol kezde kúızeliske ushyraǵan. 2017 jyly dál osyndaı jaǵdaı bolǵan. QR Densaýlyq saqtaý mınıstrliginiń buıryǵyna sáıkes patsıent 2026 jyldyń sáýir aıyna deıin baqylaýynda bolady. Almaty qalasyndaǵy respýblıkalyq psıhıkalyq densaýlyq ǵylymı-praktıkalyq ortalyǵy 9-22 qazan kúnderi baqylaýda bolǵan patsıentke «osy sátte din aman» dep dıagnoz qoıdy, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.

Buǵan deıin habarlaǵanymyzdaı, Esbolovtar otbasyndaǵy 5 bala anasy Juldyz Tleýftyń júıke aýrýyna shaldyqpaǵanyn aıtyp, kómek surady.

Keıin Aqtóbe oblysynyń ákimi Ashat Shaharov qala ákimine bes balany baspanamen qamtýdy tapsyrdy.