Proza tabynýshysyn óltirgen poezııany súıýshi segiz jylyn temir tordyń ar jaǵynda ótkizetin boldy
ASTANA. QazAqparat - Irbıt qalasynyń burynǵy pedagogy óziniń joldasymen ádebı janrlar týraly ortaq pikirge kele almaı, ony óltirgeni úshin jazasyn segiz jyl qatań rejimdegi kolonııada óteıtin boldy.
Bul týraly RF Sverdlovsk oblysy boıynsha Tergeý komıteti Tergeý basqarmasynyń baspasóz qyzmeti habarlady.
2014 jyldyń qańtarynda 67 jastaǵy tanysynyń úıinde bolǵan aıyptalýshynyń onymen birge spırttik ishimdik ishkeni anyqtaldy. Sonyń barysynda er adamdar ádebı janrlardyń ishinde poezııa álde prozanyń qaısysy mańyzdyraq degen taqyrypta sóz talastyryp qalǵan.
Páter ıesi prozanyń naǵyz ádebıet ekenin aıtsa, onyń qonaǵy bul daýda «poezııany» jaqtap qoımaǵan.
«Kóp ýaqyt ótpeı ádebı pikirtalastyń sońy janjalǵa ulasqan. Sonyń saldarynan 52 jastaǵy poezııa jaqtaýshysy óziniń qarsylasynyń keýde tusyna pyshaq salyp, ony óltirgen», - dedi vedomstvodan.
