Protvıno qalasyndaǵy kompıýter baıqaýynda elordalyq oqýshylar 18 júlde aldy

Baıqaý 17-shi «Kompıýterlik fızıka-2013» Ashyq Halyqaralyq týrnıri aıasynda uıymdastyryldy. Bul týraly astana.kz saıtyna «Astana daryny» ǵylymı-tájirıbelik ortalyǵynan málim etti.

Kompıýterlik shyǵarmashylyq baıqaýyna Astananyń bilim berý mekemelerinen qazylar alqasynyń nazaryna 18 ǵylymı jobalaryn usynǵan 33 mektep oqýshysy qatysty. Osy jobalardyń árqaısysy júldege (9 birinshi jáne 9 ekinshi oryn) ıe boldy.

Atalǵan jarystyń sońynda «Astana daryny» komandasy ǵalym, fızıka-matematıka ǵylymdarynyń kandıdaty, N.E.Baýman atyndaǵy Máskeý memlekettik ýnıversıtetiniń «Negizgi fızıka» kafedrasynyń dotsenti Kravtsov Andreı Vıtalevıchpen kezdesti. Kezdesý barysynda oqýshylardyń zertteýlerine qatysty máseleler talqylandy.