«Proton» zymyrany ýaqytynan buryn ushyp ketti - V. Popovkın

ASTANA. 5 shilde. QazAqparat - «Proton-M» zymyran-tasymaldaǵyshy tıisti ýaqytynan buryn, ıaǵnı, 0,4 sekýndke erterek ushty. Osy oraıda qozǵaltqyshtar rejimge shyǵyp úlgermedi. Bul týraly Roskosmom basshysy Vladımır Popovkın habarlady, dep jazady VVS.

Sonymen qatar ol zymyrannyń erte ushyrylýy 2 shildedegi aptattyń negizgi sebebi bolmaýy múmkin ekenin jetkizdi.

«Bul turǵyda birneshe nusqa bar jáne biz olardyń barlyǵyn qarastyrýdamyz. Osy oraıda starttyq jabdyqtar, sondaı-aq zymyran-tasymaldaǵyshty basqarý júıesi men qozǵaltqysh qondyrǵysy zerdelenýde», -dedi Roskosmos basshysy.

Aıta keteıik, RF vıtse-premeri Dmıtrıı Rogozın «Proton-M» zymyran-tasymaldaǵyshtaryn ushyrý - apattyń sebebin anyqtaǵansha toqtatylǵanyn rastady. Buǵan qosa, ol GLONASS-tyń úsh jerserigi bar «Protonnyń» apaty reseılik navıgatsııalyq júıeniń jumysyn qamtamasyz etetin orbıtalyq jerserik tobynyń tıimdiligin joǵalpaıtynyn atap ótti.

Jaqynda «Baıqońyr» ǵarysh aılaǵyndaǵy atalǵan apatqa baılanysty prokýratýra qylmystyq is qozǵaǵan bolatyn.