«Proton-M» zymyranynyń ushýy qalypty jaǵdaıda ótti

ASTANA. QazAqparat - «Ǵarysh-Ekologııa» ǵylymı-zertteý ortalyǵy» RMK-nyń málimetinshe,  ótken túnde Baıqońyr ǵarysh aılaǵynda bolǵan  «Proton» zymyran tasymaldaǵyshynyń ushyrylýy qalypty jaǵdaıda ótti, dep habarlaıdy «QazAqparat»  HAA tilshisi.

«Proton-M» zymyran tasymaldaǵyshy ushyrylymynyń ekologııalyq súıemeldeý jumystaryn Baıqońyr jáne Jezqazǵan qalalaryndaǵy «Ǵarysh ekologııa» ǴZO ókildiginiń qyzmetkerleri júrgizedi», - dedi agenttikke suhbat bergen RMK bas dırektory Jaılaýbaı Jubatov.

«Qazirgi ýaqytta Reseı tarapymen birge «Proton-M» ZT-nyń birinshi satysy qulaǵan jerde ekologııalyq tekserý jumystary júrgizilip jatyr. Zymyran tasyǵyshtyń qosalqy bólshekteri qulaǵan jerde ósimdikteri órtenbegen», - dedi J.Jubatov.

Ushý tsıklogrammasyna sáıkes, «Proton-M» ZT-ynyń birinshi satysy Qaraǵandy oblysynyń Ulytaý aýdanyna, ekinshi satysy - Reseıdiń Altaı ólkesine jáne úshinshi satysy - Tynyq muhıtqa qulady.