«Proton-M» zymyran-tasyǵyshtarynyń barlyq qozǵaltqyshtary zaýytqa qaıtaryldy

ASTANA. QazAqparat - Roskosmos «Proton-M» zymyran-tasyǵyshtarynyń birinshi jáne ekinshi satysyndaǵy barlyq qozǵaltqyshtarynVoronej mehanıkalyq zaýytyna keri qaıtaryp aldy. 

Bul, Baıqońyr ǵarysh aılaǵynan zymyrandardy ushyrý merzimine áser etýi múmkin, dep jazdy RBK.

«Kommersant» basylymynyń habarlaýynsha, «Proton-M» zymyran-tasyǵyshynyń ekinshi satydaǵy suıyqtyqty qozǵaltqyshtarynyń birine júrgizilgen synaq barysynda problemalar týyndaǵan. Atap aıtqanda,  qurastyrý kezinde qymbat metaldary bar materıaldardyń ornyna ystyqqa tózimsiz komponentter qoldanylǵan. Saldarynan sońǵy jyldary shyǵarylǵan barlyq qozǵaltqyshtardy óndiris ornyna - Voronej mehanıkalyq zaýytyna qaıtarý týraly sheshim qabyldandy.

Atalǵan oqıǵaǵa Federaldy qaýipsizdik qyzmeti men Tergeý komıteti qyzyǵýshylyq tanytyp úlgerdi. Olar qujat boıynsha durys dep kórsetilgen qozǵaltqysh materıalynyń qalaı aýysyp ketkenin anyqtaýda. 

Basylym ondaǵan qozǵaltqyshtardyń keri qaıtarylýy Baıqońyr ǵarysh aılaǵynan zymyrandardyń ushyrylymyna áser etýi múmkindigin atap ótti.