«Proton-M» ZT qulaǵannan keıin uńǵymada geptılmen lastaný belgileri anyqtaldy

ASTANA. 10 shilde. QazAqparat - «Proton-M» zymyran-tasymaldaǵyshy qulaǵannan keıin paıda bolǵan shuńqyrda geptılmen lastaný belgileri anyqtaldy. Bul týraly búgin «Baıqońyr» kesheni boıynsha Úkimetaralyq reseılik-qazaqstandyq komıssııa janynan qurylǵan jumys komıssııasy otyrysy barysynda QR Ulttyq ǵarysh agenttigi tóraǵasynyń orynbasary Erkin Shaımaǵambetov aıtty.

«Qazaqstandyq sarapshylar uńǵymanyń ortasynda geptılmen lastanýdy rastap otyr. Bizdiń málimetter boıynsha, paıda bolǵan shuńqyrdyń ortasynda uıǵarymdy kontsentratsııasynyń shekti deńgeıinen 527 esege artyq, onyń shyǵys jıeginde - qorshaý núktesinen 10 metr jerde shekti deıgeı 395 esege asyp otyr, al 10-nan 20 santımetrge deıingi tereńdikte geptıldiń quramy uıǵarymdy kontsentratsııasynyń shekti deńgeıinen 3039-dy qurady»,-dep naqtylap ótti E. Shaımaǵambetov.

Onyń sózine qaraǵanda, «Proton-M» qulaǵan orynda janyp ketken jerdiń aýdany 4,9 gektardy qamtydy.