«Proton» qulaǵan jerge taqaý eldi-meken aýmaǵynan geptıl tabylǵan joq - N.Qapparov
ASTANA. 10 shilde. QazAqparat - «Baıqońyrda» «Proton» zymyran tasymaldaǵyshy qulaǵan jerge taqaý ornalasqan eldi-mekenderdiń topyraǵynda jáne aýada geptıldiń uıǵarymdy kontsentratsııasynyń shekti deńgeıden artýy oryn alǵan joq. Bul týraly búgin «Baıqońyr» kesheni boıynsha Úkimetaralyq reseılik-qazaqstandyq komıssııa janynan qurylǵan jumys komıssııasynyń otyrysynda QR Qorshaǵan ortany qorǵaý mınıstri Nurlan Qapparov málim etti.
Mınıstrdiń atap ótýinshe, zymyran tasymaldaǵysh qulaǵan jer Reseı Federatsııasy jalǵa alǵan aýmaqta, 81 men 200-shi alań aralyǵynda jatyr. Zymyran qulaǵannan keıin taıaý aralyqta ornalasqan eldi-mekenderdiń topyraǵy men aýasynan synama alynǵan. Zerthanalyq saraptama barysynda geptıl tabylaǵan joq.
Eske salsaq, DM-03 údetkish blogy jáne «Glonass-M» úsh reseılik navıgatsııalyq ǵarysh apparaty bar «Proton-M» zymyran-tasyǵyshy 2 shilde kúni jergilikti ýaqyt boıynsha saǵat 08.38-de «Baıqońyr» ǵarysh aılaǵynyń №81 alańynan ushyrylymy josparlanǵan bolatyn. «Proton-M» zymyran-tasyǵyshy ushyrylymnyń 10 sekýndynda jerge qulap, jaryldy. Apat ushyrý alańynan 2-3 shaqyrym jerde oryn aldy.
