Protezdik-ortopedııalyq kómek boıynsha jańa ulttyq standart ázirlenip jatyr
ASTANA. KAZINFORM — Protezdik-ortopedııalyq kómek salasyn jetildirý baǵytynda jańa ulttyq standart ázirlenip jatyr. Bul týraly Eńbek jáne halyqty áleýmettik qorǵaý mınıstrliginiń apparat basshysy Nurdáýlet Tóleev málim etti.
— Protezderdiń sapasyn, qaýipsizdigin, tıimdiligin jáne úılesimdiligin qamtamasyz etý maqsatynda buryn protezderdi jobalaý, daıyndaý, ornatý jáne paıdalaný protsesine qoıylatyn talaptardy belgileıtin standarttar ázirlenip, bekitilgen. Alaıda bul standarttar 2007 jyly qabyldanǵan. Osyǵan oraı, protezdik-ortopedııalyq kómektiń zamanaýı talaptaryn eskere otyryp, mınıstrlik jańa ulttyq standartty ázirleý jumystaryn iske asyryp jatyr, — dedi Nurdáýlet Tóleev Senatta protezdik-ortopedııalyq kómek máselen talqylaý kezinde.
Onyń aıtýynsha, bul turǵyda 2026 jylǵy josparǵa engizý úshin tıisti ótinim Qazaqstan standarttaý jáne metrologııa ınstıtýtynyń qaraýyna joldanǵan.
Eske salsaq, elimizde 95,3 myń adam protezdik-ortopedııalyq kómekke alatyndar sanatyna jatqyzylǵan.
Budan buryn habarlanǵandaı, 2025 jyldyń basynyn bastap múgedektik tobyn belgileý úshin medıtsınalyq-áleýmettik saraptama júrgizýdiń syrttaı formaty boıynsha pılottyq jobany iske asyrý sheńberinde Qazaqstannyń barlyq óńirinen 43,7 myń ótinim qaraldy.